Allergiyaga moyilligi bor kishilar sovuqdan qanday himoyalanishlari kerak?
— Anomal ob-havo sharoitida ba’zi bemorlarda sovuqdan allergiya kuzatilishi mumkin. Bu terida qizarish, shish, pufakchalar va qichishish kabi alomatlar bilan namoyon bo‘ladi.
🩺 Ana shunday belgilar qayd etilsa, allergolog-immunologga murojaat qilish va shifokor ko‘rsatmasiga ko‘ra, maxsus sinamalarni topshirish zarur. Shundan so‘ng mutaxassis tegishli davo muolajalarini belgilaydi.
❓Xo‘sh, bu turdagi allergiyaga moyilligi bor kishilar sovuqdan qanday himoyalanishlari kerak?
🧥🧣🧤 Avvalo, qalin kiyining! Qo‘lqop, bosh kiyim, sharf va issiq paypoqlardan foydalaning!
🩺 Izg‘irin haroratda ko‘chaga chiqishdan avval shifokor tavsiya etgan himoya kremlari va maxsus malhamlarni qo‘llang!
🍹Sovuq ichimlik va yeguliklar iste’mol qilmang!
🚿 Yuvinish va cho‘milish chog‘ida qattiq mochalkalardan foydalanmang!
🍱 Immunitetni mustahkamlovchi mahsulotlar, darmondorilar, temir, kalьsiy, sink, kaliy, selenga boy taomlar iste’mol qiling!
Ilmira Razikova,
Respublika ilmiy ixtisoslashtirilgan allergologiya markazi direktori
