1992 yil 8-dekabrda O‘zbekiston Respublikasi Konstitutsiyasi qabul qilingan kun. Har yili yurtimizda 8-dekabrni katta bayram qilib nishonlaymiz. Konstitutsiya baxtimiz.qomusimiz haqida sara sherlar to’plamini qabul qiling.
O’qi, mehnat qil deydi,
Yurtni aziz bil deydi,
Huquqing komil deydi,
Bizning Konstitutsiya!
Qonunlarni bilamiz,
Shu yurt faxri bo’lamiz,
Jonu dildan sevamiz,
Bizning Konstitutsiya!
Konstitutsiya
Yaxshilar tufayli ozod diyorim,
Ozodlik tufayli obod diyorim,
Eng Oliy Qomusga chekkanda imzo.
Yaxshilarni ko’rdi o’zidan rizo.
Ne qissa. Hurriyat qomusidir u.
Ulusning oriyu nomusidir u.
Istiqlol bir yoshdan oshgan chog’ida.
U tug’ildi yaxshilikning bog’ida.
Mustaqillik bergan oliy baxtdir bu,
O’zbekka yarashgan toj-u taxtdur bu.
Konstitutsiyamiz nodir chinakam
U biz uchun eng oily hakam!
Qomusim
Havas qilsa arzigulik, baxtim bor,
Nurli yo‘lga boshlaguvchi ahdim bor.
Fidodirman toki tanda qonim bor,
Men elimning Qomusini kuylayman!
Iymonli elimning baxtli farzandi,
Mehnatdan baxt topgan asalu qandi.
Farovon zamonam porloq dilbandi,
Baxtliman buyuk Qomus sharofatidan,
Istiqlolim yo‘l ochgan adolatidan!
Mustaqil diyorimni himoya etgan,
Dono hur fikrlari jahonga yetgan.
El – yurt qalbidan g‘uborlar ketgan
Baxtliman buyuk Qomus sharofatidan,
Istiqlolim yo‘l ochgan adolatidan
G‘amxo‘rdir Vatanim bizga mehribon
Baxtimizga baxt qo‘shar erkin, farovon.
Kelajagim porloq, yo‘lim nurafshon,
Baxtliman buyuk Qomus sharofatidan,
Istiqlolim yo‘l ochgan adolatidan!
Har tomon uzatsam yetar qo‘llarim,
Istiqbolga yuz tutgan o‘ngu so‘llarim.
Nurlarga ko‘milgan oydin yo‘llarim,
Baxtliman buyuk Qomus sharofatidan,
Istiqlolim yo‘l ochgan adolatidan!
Huquqimiz bayon etguvchi,
Har moddasin bilib olsak bas
Bizni doimo himoya etar,
U barchaga birday muqaddas.
Bolalar bor: oq, sariq, qora,
Lekin qalbi toza beg‘ubor.
Ular dili orzuga to‘la,
Gard qo‘nmasin, qo‘nmasin zinhor!
Jajji qalblar intilar tinmay
Poyoni yo‘q koinot tomon.
Yuragiga o‘kinch tushmasin,
Kelajagi bo‘lsin hur zamon.
