Mevalar haqida eng sara topishmoqlar. Barcha topishmoqlar javobi bilan. Eng sara topishmoqlar to’plami.
Mundarija
- 1 Yong’oq haqida topishmoqlar
- 2 Bodom haqida topishmoqlar
- 3 O’rik haqida topishmoqlar
- 4 Shaftoli haqida topishmoqlar
- 5 Behi haqida topishmoqlar
- 6 Jiyda haqida topishmoqlar
- 7 Uzum haqida topishmoqlar
- 8 Anor haqida topishmoqlar
- 9 Anjir haqida topishmoqlar
- 10 Do’lana haqida topishmoqlar
- 11 Olma haqida topishmoqlar
Yong’oq haqida topishmoqlar
1. Kichkina qozonning oshi totli.
2. Kichkina dekcha,
Ichi mazaliqcha.
3. Kichkina qozon,
Jingla palov.
4. Kichkina qozon,
Jikr palov.
5. Kichkina tandircha,
Ichi to‘la kulcha.
6. U yog‘i tog‘,
Bu yog‘i tog‘,
O‘rtasida
Sarig‘ yog‘.
7. Qo‘shaloq tovoq,
Ichi to‘la yog‘.
8. Usti zahar, ichi tosh,
Toshning ichi asal.
9. Po‘sti qalin, qovoqday,
Beli bog‘li tanobday,
Mevasi sarig‘ yog‘day.
10. Beli bog‘li, cho‘tir choldir,
Qo‘ynida bor bujur kampir.
11. Kichkina xotin shoshaqon,
Kichkina qozon toshaqon.
Bodom haqida topishmoqlar
12. Ikki tog‘ning orasida
Bir tup yantoq.
13. Qo‘tir tosh,
Ichida osh.
O’rik haqida topishmoqlar
14. Osh ichida tosh,
Tosh ichida osh.
15. U yog‘i tosh, bu yog‘i tosh,
O‘rtasida nishgan osh.
16. Pastu baland ko‘p xotin,
Ko‘ylaklari oq, gulgun.
Shaftoli haqida topishmoqlar
17. O‘zi shirin, tukligina,
Mazasi bor, totligina.
18. Bodom kabi yaprog‘i,
Sollanadi butog‘i.
Behi haqida topishmoqlar
19. Past-past bo‘yi bor,
Malla to‘ni bor.
20. Mallagina to‘ni bor,
Nordongina ta’mi bor.
21. Dum-dumaloq bo‘yi bor,
Palovda obro‘yi bor.
Jiyda haqida topishmoqlar
22. Bir qop un,
Ichida ustun.
23. Qopcha,
Qopcha ichida uncha,
Uncha ichida ustuncha.
24. Ichi un-un,
Tashi gulgun.
25. Tashi qizil anorday,
Ichi oq — unday,
O‘tirishi gulday.
26. Osmondan tushdi bir tugun,
Usti baxmal, ichi un.
27. Igna tegmasdan qon,
Tegirmon bermasdan un,
Tesha tegmasdan ustun.
Uzum haqida topishmoqlar
28. Otasi bukri xo‘ja,
Onasi yoyma chalpak,
Bolasi shirin-shakar.
29. Bir onadan yuz bola,
Yuzovi ham bo‘z bola.
30. Chorpoya ustida
Shirin-shirin shox soqqa.
31. Bo‘g‘un-bo‘g‘un, bo‘g‘unchoq,
Tugun-tugun, tugunchak,
Etmish qizning onasi
Hali ham bo‘lsa kelinchak.
32. Ota-onasidan bolasi shirin.
33. Qora ho‘kizim og‘ilga kirishda dumini yulib qoldim.
34. Eshagim quduqqa tushib ketdi,
Dumidan ushlasam, yulinib ketdi.
Anor haqida topishmoqlar
35. Kichkina dekcha,
Ichi to‘la mixcha.
36. Sariqqina to‘ni bor,
Ichi to‘la doni bor.
37. Qirq hujrada qizil qizlar.
38. Kichkina gumbaz ichida
Qizlar aylabdi makon.
Yuzlarida parda tutig‘lik,
Har birining bag‘ri qon.
Anjir haqida topishmoqlar
39. Gulsiz bo‘lar mevasi,
Shirin-shirin donasi.
40. Osti sariq, usti sariq,
Shirin, totli, ichi tariq.
41. Daraxt ustida langar.
Do’lana haqida topishmoqlar
42. Qamchi dasta,
Qamchi dastada marjon.
43. Tepdim, sandiq ochildi,
Erga bodom sochildi.
Olma haqida topishmoqlar
44. O‘zi ko‘m-ko‘k,
Yuzi qip-qizil.
