Tavsiya etamiz
Safiya
Aql, donishmandlik yoki arabcha Sofiya — sof, pokiza, pokdomon, ma’suma, iffatli. Payg‘ambarimiz Muhammad (sollallohu alayhi vasallam)ning o‘n uchinchi ayollarining ismi bo‘lgan.
Zahro
Yorqin, ravshan, oq yuzli. Nurli, porloq, nur taratuvchi yoki intiluvchi, havas qiluvchi, oldinga intiluvchi.
Sumayya
Samo, osmon. Islomda birinchi shahid bo‘lgan ayol. Qiyomatdan keyin jannatga birinchilardan bo‘lib kiradigan ayol.
Iymona
Iymonli, e’tiqodi mustahkam, qalbi pok, Allohga sig‘inuvchi, itoatkor qiz.
Aziza
Qadrli, qimmatli, tabarruk, hurmatli yoki qudratli, izzatli, noyob.
Yasmina
Jannatning guli, jannatda o‘suvchi gulning nomi, hushbo‘y, ifori kuchli chiroyli gul.
Soliha
Pokiza, ozoda yoki diyonatli, taqvodor, xudojo‘y, oq ko’ngil, mehribon, oqila, iymonli, sadoqatli, muslima qiz.
Feruza
Baxtli, iqboli baland, to’lei porloq, saodatli qiz yoki firuza (ko‘k tusli tovlanuvchi qimmatbaho tosh)dek aziz, qimmatli, qadrli, bebaho, chiroyli, zebo, nafis; nurli nur sochuvchi.
Saida
Baxtli, omadli, to’lei baland, iqboli porloq, saodatmand qiz.
Farzona
Aqilli, dono, olima, ziyoli, o‘qimishli, donishmand, oqila yoki yagona, tengsiz yohud mehribon, muruvvatli, saxovatli, saxiy.
Mubina
Jozibali, istarasi issiq, lobar, ochiq chehrali, rostgo‘y latofatli, zebo qiz.
Muslima
Musulmon, xudojo‘y ayol, soliha, Allohga itoat etuvchi mo‘mina qiz.
Hadicha
Muhammad (sollallohu alayhi vasallam) ning birinchi xotini Hadicha (taxm. 555 — 556 — 620 — 621) ning ismi, Fotimaning onasi
Yasina
Qur’oni karimda kelgan Yosin surasiga nisbat, qoriya bo‘lsin. Quro’on ilmini o‘rgansin degan niyatda ham qo‘yiladi.
Diyora
O‘lka, zamin, ona yurtning vafodor, fidokor, elim, yurtim deb yashovchi farzand.
Afruza
Oydek ravshan, quyosh nuridek porloq, shul’ador, yondiruvchi, otashin. Ro‘za oyida tug‘ilgan chiroyli, oydek qiz.
Tavsiya etamiz: O‘g‘il bolalar uchun eng chiroyli ismlar manosi
Mohinur
Oyning nuri, oydin, oydindek pokiza, suluv, chiroyli, oydek go‘zal qiz.
Madina
Saudiya Arabistonidagi muqaddas shahar, ziyoratgox bo‘lgan Madinai Munavvara ismidan olingan ism.
Shahnoza
Shohona, beklarcha yoki nozli karashmali, latofatli. Shohlar, aslzodalar avlodiga mansub nozik va zebo go‘zal qiz.
Oysha
Yashovchi, barhayot, joni toshdek mustahkam, umri uzoq, hayoti nurli qiz. Bu ism Muhammad (sallolohu alayhi vasallam)ning ayollari Oysha (r.a.) ismlari bo‘lgan.
Robiya
Oiladagi to‘rtinchi bola yoki hijriy oy hisobining to‘rtinchi kunida tug‘ilgan bola.
Shukrona
Sabr-toqatli, qanoatli, boriga qanoat qiluvchi, itoatkor, shukronalik hissini tuygan, Allohga shukr qiluvchi.
Bibisora
Bibi — xonim, beka, oyim, yuqori tabaqaga mansub ayol. Bu so‘z o‘tmishda mashhur turk ayollarining faxriy unvoni bo‘lgan va «xonim, beka, uy sohibasi» ma’nolarini anglatgan. O‘zbek shevalarida bibi — buvi, ona, qaynona ma’nolarini anglatadi, qizlar ismining birinchi, ikkinchi qismida kelib hurmat, erkalash munosabatalarini hamda «qiz bola» ma’nosini anglatadi. Sora — tanlangan, saralangan, eng a’lo yoki toza, pokiza, xolis.
Mushtariy
Yupiter sayyorasining nomi yoki biror nima sotib oluvchi, xaridor.
Fotima
Aynan: fatiat — ko‘krakdan ajratilgan. Bu nom Muhammmad (sallolohu alayhi vassalam)ning kenja qizlarining ismi bo‘lgan. Egizak qizlar tug‘ilganda kattasini Fotima deb nomlash millatimizda urfga aylangan.
Sabrina
Sabr-toqatli, bardoshli, chidamli, yengilmas, irodali, kuchli, matonatli. Sabriya ismining shakllaridan biri. Uels nomi Angliyadagi daryo nomidan kelib chiqqan. Afsonalarga ko‘ra, malika Sabrina baxtsiz sevgidan daryoga cho‘kib ketgan. Yozuvchi Samuel Teylorning «Go‘zal Sabrina» (1954 yildagi «Sabrina») romani hamda kinofilm, shuninglek spktakl chiqganidan so‘ng bu ism mashhur bo‘lib ketgan.
Marjona
Dur, inju, marvaridlar tizimi, qizil rangli yirik munchoq, marjondek qimmatbaho, latofatli, go‘zal, yorqin, zebo va suluv qiz.
Omina
Himoya qilingan, xavf-xatardan holi. Bu nom Payg‘ambarimiz Muhammad SAVning onalarining ismi bo‘lgan.
Ifora
Hushbo‘y, yoqimli iforli, nafis hid taratuvchi.
Aylin
Oyning yorugligi
Imrona
Tiriklik, barhayotlik, uzoq umr ko‘ruvchi.
Muxlisa
Oqko‘ngil qiz, xudojo‘y, muslima, mo‘mina qiz.
Asal
Bol, asaldek shirin, totli, ya’ni yoqimtoy, suyukli, sevimli qiz.
Umida
Orzu qilingan, umid bilan kutilgan qiz yoki yashab ketishiga umid qilingan qiz.
Shirin
Totli, chuchuk, lazzatli. Aziz, yoqimli, suyukli.
Parvina
Hulkar yulduzidek oliy martabali, to’lei baland, hayoti porloq, nurga to‘la, bekamu-ko‘st bo‘lsin.
Mumtoz
Tanlangan, saralangan, sarbaland, mashhur, e’tiborli, odamlar nazari tushgan, zo‘r.
Ruxshona
Xushro‘y, ko‘rkam chehrali qiz, chiroyli, nurli, go‘zal yuzli, suluv.
Kumush
Kumushdek qadrli, qimmatbaho, e’tiborni tortuvchi qiz yoki oq yuzli oq badan, nafis, go‘zal qiz.
Parizoda
Parilardan tug‘ilgan, ya’ni go‘zallar avlodiga mansub, tengsiz chiroyli, suluv, go‘zal qiz.
